北京祈福　曉明同baby手拖手蜜遊雍和宫

黃曉明同Angelababy人前人後都一樣咁恩愛，早前黃曉明仲露口風話今年會迎娶baby過門，雖然有指曉明會趁baby二月生日求婚，不過最終都無驚喜求婚事件發生，而啱啱三月十四日白色情人節，就有網民喺北京見到曉明同baby一齊出現雍和宫，網民繪影繪聲形容佢哋兩個當時全程手拖手好溫馨，二個人一齊喺雍和宫內祈福，仲話佢哋係為婚期日子所以求神問卜，先唔好理網民所講嘅係咪真實情況，不過從相片中見到曉明同baby真係全程拖住手好甜蜜，此甫一出，立即引嚟大量網民留言，仲話希望佢哋盡快公布婚期。