娛樂專題:DJ林柏希500呎玩具屋

20150315
東網電視
更多新聞短片
林柏希特意在家中大廳設置玩具櫃, 收藏大批玩具。
DJ林柏希自小是玩具發燒友,聖鬥士星矢、黃金戰士等陪伴他度過整個八十年代。長大後他周遊列國搜羅心頭好,找尋童年回憶,已豪花六位數字買入不同玩具,最後索性將安樂窩打造成玩具城,編寫屬於他的「Toy Story」。
新城DJ林柏希現居於中西區一個約五百呎的單位,出生於小康之家的他表示,自小已住在中西區:「唔只我喺呢度長大,我所有親戚、父母都喺呢區大,曾經諗過想搬離呢區,但人大咗,就想近啲屋企人,方便飲茶、飲湯,加上自己住過呢頭,好鍾意呢度夠靜。」
本以為住在半山區,不是滿屋古董,便是名錶一籮籮,豈料童心未泯的柏希原來從小的興趣就是收集玩具,大廳特意設計玩具櫃,裏面已有超過廿套卡通,單是玩具目測過二百件,可算是小型玩具城。更誇張的是由於家中空間有限,他還租了迷你倉擺放各種寶貝玩具,他憶述:「父母好錫我,每次考試一百分就會買玩具鼓勵我,不過有時搬屋丟咗啲,但玩具對我嚟講係情意結,唔係只係膠。」
收關心妍厚禮
為了重拾童年回憶,他踏遍全球尋覓心頭好,最愛在日本及荷蘭捐窿捐罅買玩具,保守估計共花了六位數:「至少十萬,我估一架日本車左右啦!買玩具我會睇價錢,我買玩具嘅諗法同女人買手袋一樣,就係買返嚟保唔保值先,咁就算第時我撈唔掂,都可以賣番出去嘛!」
芸芸玩具之中,他最愛聖鬥士星矢,皆因對希臘有無窮幻想:「十幾歲時對於希臘會有好多憧憬,覺得愛琴海好靚。而呢套卡通入面有好多星座,卡通人物嘅命運又同星座有關,成個故事好完整。」
柏希又提到好友關心妍與老公,曾送過價值不菲的「宇宙戰士」玩具給他:「套卡通已經三十幾年,佢哋又唔熟玩具,佢哋話買嗰時係放大我屋企玩具櫃張相,逐個睇吓邊個冇,再揀嚟送畀我。」