林夏薇開心撇甩「林峯堂妹」之名！

林夏薇到坑口宣傳無綫劇集《天眼》，對於獲網友激讚她演技，她坦言非常感動：「我都有留意新聞，好開心工作得到認同。（多年努力，苦盡甘來？）都唔係因為呢一啲，而係呢啲好評畀咗好好動力我，好感動，但我冇喊。（有信心獲飛躍進步獎？）獎嗰啲我一向唔諗太多，最重要係個過程。」

她又坦言開心可撇甩「林峯堂妹」之名，她說：「都係㗎，觀眾眼睛雪亮，相信時間可以證明一切。（林峯有冇睇你啲劇，定係忙同吳千語放狗？）大家一路都有聯絡，佢點會唔理我？咁啱睇到嘅話，都會打畀我同我講，不過最近就冇。之前見面佢有話睇番自己做啲戲，感覺好怪，但睇我做戲就冇。」