鄧麗欣組排球隊　殺入公開賽！

歌手鄧麗欣（Stephy）入行前曾是香港青年排球隊隊員，球技了得的她今日以其服裝品牌Loey，組織一隊排球隊，並以老闆娘及隊長身份帶隊參與《第三十五屆全港公開排球錦標賽》女子丙組資格賽。下午，不施脂粉、束起馬尾、身穿5號紅色球衣的Stephy，甫現身即引來起哄，不過她都懶理目光認真做熱身，並與隊員爭取時間練習。

擅長打大鎚位置的Stephy，比賽起初明顯未在狀態，但適應過後就打出水準，更幫球隊連取3分，而扣殺亦讓球隊有分數進帳。藝人要靠外面搵錢，但為了不失分Stephy不惜飛身救波，最後球隊亦順利連勝兩局，當得悉勝出時Stephy即向記者豎起勝利手勢，非常開心。她表示過程頗順利，更直言特意請假比賽：「打波好緊要！」

31歲體力一樣掂

休息過後，Stephy於約6點30分進行第二場賽事，惜兩局分別以13-21及20-22輸掉比賽，而第二局比賽雖先落後，但她們一度成功追平，甚至反超前對手，最後更以20-20平手，需Deuce打決勝分，然而Stephy隊比賽經驗或淺，終連失兩分落敗。

落敗的Stephy臉上難掩失落，但都大方接受訪問，她坦言比賽時感緊張：「隊波第一次打公開賽，期望都唔大，想拎經驗。」雖然輸了比賽，不過她們的分數經常緊貼對方，對此她說：「球隊好叻，只係輸經驗。」她指球隊於大半年前成立，然而成員間互相不認識，問到組隊的原因？她說：「以前都有打開，入行之後冇乜機會打，隔咗咁多年打番都算係圓夢。（你31歲體力OK嗎？）梗係夠！」雖然球隊年資尚淺，但她對球隊抱大期望，坦言希望從現在的丙組可以進身乙組甚至甲組：「另外都想同佢哋做多啲慈善活動。」

搵後生女拉低球隊平均年齡

球場上的Stepy毫不錫身，會否因打波而受傷？她表示：「右手手骹位拉傷過，係舊患，依家都有舉重練番好啲。（有馬甲線？）有架！」她更指曾因拉傷導致背部瘀青。Stephy指球隊成，支出由其品牌負責：「支出唔多，都係買波、Book場同球衫，嚟緊都會同服裝運動品牌合作，希望日後會有好嘅成績。」

另外，問到她有否留意哈薩克擁有12頭身的女排球手莎賓娜？她表示：「有呀。（係Fans？）唔算，但有睇佢比賽，我哋球隊都多球花（靚女）架！（你排第一？）唔夠膽咁讚自己。（有冇搵啲後生女拉低番平均年齡？）梗係要，依家都多18、19歲。」