病緊都要拍拖！林峯孖千語食「快餐」

愛得難捨難離的林峯和吳千語，下午又再出巡晒恩愛，兩人以襯到絶的黑色打扮現身中環，戴上口罩的林峯病住都要同千語BB出街，呢位男友真係體貼到無得頂。

兩人在商場並肩而行，期間見到現場有記者時，林峯即友善地表示：「肚餓呀！去搵嘢食。」隨即帶同千語BB步入商場內的一間餐廳，而侍應亦甚為識做，為兩人安排最隱蔽的位置，方便兩人免被打擾，可以盡情談心。

兩人坐下後，點了一份情侶餐，期間，吳千語不時餵食林峯，又不時低頭甜笑，狀甚幸福。不過唔知係咪因為大家都係大忙人嘅關係，千語同林峯只吃了約半個小時便離開，期間二人經過服裝店時，千語即興奮地指着櫥窗的男裝與男友密密斟，似乎覺得該批服飾與男友十分相襯。不過二人最終還是未有入進時裝店鋪便離開。