蔡卓妍被嗌「準影后」笑足全晚

蔡卓妍（阿Sa）憑電影《雛妓》於剛舉行的「第10屆大阪亞洲電影節」獲得「特別表揚獎」，拍檔任達華、老闆楊受成、導演邱禮濤等台前幕後人員舉行慶功宴。期間，眾人於台上開香檳，導演更即席把代領的獎狀轉交阿Sa，場面熱鬧。

忙到甩轆

即將出戰金像獎角逐影后的阿Sa，被在場傳媒以「準影后」稱呼時笑不攏嘴，她謂：「唔好咁講。（幾時到你請食飯？）今晚係老闆（楊受成）請，之後就華哥請，再到我請啦！不過近排都幾忙，要謝票，Twins嘅project又進行得如火如荼，同埋呢排每日都畀充滿嘅愛嘈醒。（男友陳偉霆有冇恭喜你？）大家有恭喜，希望能夠Keep住。」

較從前多另類劇本選擇

面對金像獎影后候選對手均是實力之人，阿Sa坦言未有壓力。問到男友可有送禮物？阿Sa尷尬謂：「得o架啦。（有冇諗過同台前幕後嘅工作人員再合作？）未收到消息，點到即止就好。（係咪多咗劇本搵？）不嬲都多，但係多咗另類劇本搵。」而該片票房暫錄得1300萬港幣。