李嘉欣拍片晒幸福少奶奶生活

大美人李嘉欣（Michele）同老公許晉亨結婚之後一直過住幸福少奶奶生活，早幾日佢喺微博上載去賞花嘅相，仲着晒厚褸戴住冷帽，似乎去咗外國度假，今早佢再上載短片，片中影住Michele副黑超，黑超入面反射到佢喺飛機上面，隔籬仲放住杯飲品，認真識歎，佢仲放埋喺高空影嘅街景相，當然唔少得有佢嘅自拍啦，不過有網民嫌未睇夠Michele個靚樣，希望佢放多啲相開心share喎！