曹震豪曾想放棄創作夢

歌手曹震豪（Wallis）正着手籌備新專輯《Common Loser》，他透露內容貼近生活，訊息比之前的專輯更重：「關於世代、我哋依個generation面對緊好多範疇嘅失敗，同唔能夠打破嘅框架，好多自己嘅詞，作為80後對依個地方嘅一啲說話。」

Wallis雖兩年沒有出碟，但從不停止創作，他形容上年的創作過程極度痛苦，更導致暴瘦及出現情緒問題，他說：「好多掙扎，好似遺忘咗創作嘅價值，曾經有放棄唔想再做，睇番轉頭覺得好傻，最痛苦其實係冇得做自己鍾意做嘅嘢。」