陶大宇行山捕獲唔到發哥　有雲海補數

近日最熱門嘅話題除咗「捕獲野生發哥（周潤發）」之外，仲有就係「捕捉雲海」！呢股「捕捉熱」亦感染唔少圈中人，好似近年主力喺內地發展嘅藝人陶大宇最近都去咗行山，雖然「天氣不似預期」，但仍然無阻佢靚靚心情，而且佢更希望可以「捕獲野生發哥」，陶大宇話：「香港最近天氣潮濕，但無影響運動心情，今天行山不能生擒發哥，卻遇上雲海，吸引不少龍友，嘻嘻......」「捕捉」唔到發哥，但係「捕捉」到美景，都總算收獲唔錯啦！