李亞男率「三大處女」玩煮飯仔

早前華姐冠軍出身嘅李亞男風光下嫁王祖藍時，有「四大處女」鍾嘉欣、苟芸慧、岑麗香、王君馨等做陪嫁姊妹。大婚完咗之後，成班好姊妹都不時出嚟聚一聚o架！呢日佢哋一齊煮飯仔啦，不過好似差咁一個喎，咪就係苟芸慧無到囉！

雖然五缺一，不過李亞男、鍾嘉欣、岑麗香同王君馨四個都玩得好開心！煮完西餐後，佢哋仲影大輪靚相，王君馨就上載到微博，好感恩地留言：「上天賜給最好的禮物就是.. 愛！今晚可以一起煮飯仔，傾計（偈），互相禱告和祝福... 太開心了，時間過得真快！雖然大家都好忙，唔係成日可以聚。但可以一齊的每一刻，我都很珍惜。Miss u 苟芸慧ChristineKuo！」大家係咪好想食呢？