姚子羚晒打拳瘀傷　網民叫痛

近日唔少藝人都瘋狂愛上做運動，就好似姚子羚（Elaine）咁，咪睇佢平時斯斯文文咁，原來佢做起運動上嚟好唔鍚身o架，佢喺微博貼上自己戴起拳套學泰拳嘅相，並話：「First try~」雖然Elaine只係第一次打拳，但已經勁有姿勢！之後佢再上載跑步跑到瘀晒嘅相話：「我找住少少數先啦各位crazy runner成員~我找到腳都損埋，誠意啦呱！瘀咗係打拳唔關跑步事~」打泰拳打到瘀晒都咁落力走去跑步，網民讚佢係女漢子，更大呼心痛！