曾勵珍贊成入屋劇「封胸」

20150320
東網電視
更多新聞短片
無綫製作部戲劇製作總監曾勵珍對於《武則天》被「封胸」一事是由片主決定,她亦贊成。
無綫高層區偉林出席劇集《四個女仔三個BAR》祝捷會時致詞,他說:「以前話有平均30點先會慶功,但係遊戲規則隨時變,唔使講收視,講口碑都值得請大家食飯,畀人批評唔緊要,大家唔好生氣,只要爭氣,TVB一定要爭氣。」
至於曾勵珍(珍姐)則勉勵藝員遇到不必要的批評時毋須洩氣,只要爭氣。問是否繼續開續集?她說:「依傢氹緊編劇李茜寫劇本,等佢慢慢寫好先,未有決定。」講到即將播出的外購大陸劇《武則天》(大陸名《武媚娘傳奇》),女演員的谷胸畫面將會經過加工變得密實,珍姐認為效果可以接受。問為何不爭取播放原汁原味的谷胸版?珍姐說:「加工效果係片主做嘅,呢方面片主有權咁做。依傢係一個入屋嘅家庭版本,可以畀啲小朋友學吓歷史。」
積極培養接班人
珍姐又表示無綫正積極、有計劃地培養新人接班,除了陳凱琳、蔡思貝與劉佩玥外,男藝員會有張振朗、黃子恆及李豪,他們已經續漸成熟,好有潛質。