傅嘉莉瞄準歐洲藝術品

女星傅嘉莉（Kelly）現身銅鑼灣名店，因最近歐元跌價，不少大品牌又減價，Kelly特別看定心水產品出擊：「當係勞慰自己做嘢辛苦，依家係時候要換季，我每季預六位數置裝。我有唔少朋友喺歐洲，趁歐元低，託佢哋幫我買衫、鞋、手袋。」

投資有道的Kelly認為應在外幣低價時，買入當地的保值產品，例如藝術品及手錶：「近半年我開始研究畫，好多俄羅斯畫家嘅作品都好有升值潛力，值得買嚟投資保值，我係初哥唔係好有購買能力，但如果遇啱細細幅心儀嘅畫作，都可以試吓買。」她對買樓投資一直有興趣，無奈香港樓價太貴，且看辣招推出後樓價會否調整。