影視展:古仔拍緊三部戲 仲要傾新片!

20150323
東網電視
更多新聞短片
今日古仔真係老是常出現!

古天樂、余文樂、台灣男星張孝全現身影視展,並為電影《迷城》造勢,連走三場的古仔,透露正在拍攝三部電影,分別是杜琪峯、陳木勝的新片以及《3D封神榜》,亦有其他劇本傾談中,談到近期他分別投資食肆及電影,問到是否想做電影大亨?古仔故作神秘謂:「電影以外嘢唔回應。」對於有指導演林嶺東出名要求高,古仔謂:「佢都唔係出名冇人性,拍動作係好危險,好似要用開山刀擘面,但拍順咗又冇嘢,只係用力擘都有殺傷力,又試過喺紅隧飛車撞雙層巴士,都自己上陣。」問到有否加大保險額?古仔笑指大抵林導已有一陣子沒有拍戲,故保險公司於不知情況下受保,但相信往後將拒絕。

樂仔撐林嶺東導演唔恐怖

提到有份拍攝《封》片的栢芝被踢出劇組,古仔表示睇報紙才獲悉,問到有否見過對方失場?古仔謂:「其他演員嘢唔回應,拍戲我一個人拍。(冇對手?)其他人都回應晒,我冇回應。(佢唔滿意你紅過佢!)唔回應。」而余文樂則透露林導正在家中閉關寫劇本,故未有到場,更謂:「佢唔係大家講到咁恐怖,都好細心同情感豐富,試過半夜打嚟傾偈,之後都會再合作。」