林峯預告橫店拍戲:唔瞓都要去上海探BB

20150323
東網電視
更多新聞短片
林峯感謝英皇讓他在新年期間可以與女友吳千語共聚。
英皇藝人林峯出席公司15周年盛典記者會,甫出現即引來大批粉絲尖叫。原定在新年到美國灌錄新碟的林峯行程有改,他說:「我會返大陸拍劇先,因為錄音時我都想畀意見,唔想拍劇時又配合唔到宣傳,所以7月拍完劇先錄碟,今次新碟會有韓國風同英國風。」
新年檔期沒有錄碟,公司可有詐型?他笑說:「冇!(你攞咗檔期去拍拖?)都好呀,公司好公平,都想歌手平衡啲,(想你開心啲?)係呀,我好開心。」
買定乾糧唔使BB出酒店
對於女友吳千語將起程返大陸拍劇,林峯直呼千語做BB說:「係呀,BB都要去拍劇,佢仲要拍電影同電視劇。(冇時間見面?)希望劇組可以畀我去探班,BB去上海,我喺橫店拍,我落去都要成4、5個鐘頭車程。(你唔瞓覺都去要見BB?)你真係知我哋!」女友在上海拍戲,問可會擔心?林峯表示不擔心,因為她的公司有同事陪伴,林峯還爆女友飲食好揀擇,已買定好多乾糧,所以女友收工不會四圍走,多數會返酒店。