網民熱話：阿佘做「TVB一姐」有道理

佘詩曼（阿佘）自回歸無綫拍咗劇集《使徒行者》之後，就拎獎拎到手軟，喺2014年分別成為新加坡、馬來西亞及TVB嘅雙料視后後，再喺大陸獲頒「中國內地最受歡迎TVB劇女藝人」。

直至今年，阿佘再憑同一套劇集勇奪「中國最佳電視劇女演員」，成為華鼎獎視后，仲贏得YAHOO人氣大獎「電視女藝人」獎項，對於阿佘以一套劇集橫掃九個獎項，網民都紛紛討論，仲有網民力撐阿佘，話：「佘詩曼屹立多年tvb（TVB）一姐吾是（唔係）冇道理」，仲話如果講阿佘係純好彩真係講唔過去o添！

之後，有網民就解畫話，阿佘其實係先天有運，加後天努力！除咗阿佘之外，仲有唔少女星都受到網民熱捧，包括係有張可頤同陳慧珊，仲有網民話「TVB一姐」唔係阿佘，而係另有其人：「tvb（TVB）一姐係汪明荃，佘詩曼悱（排）笫（第）二！」

網民有話兒：

ｘ妹：其實田蕊妮都有料做阿佘對手，論號召力同名氣的確冇得比，但講演技，阿田一d（啲）都唔輸蝕！

koyouxxx：佢先天有運,加後天努力！

xxxxxxxxmay：同意X100，仲有張可頤同FLORA CHAN！

littlexxxxx：tvb一姐係汪明荃，佘詩曼悱（排）笫（第）二！