影視展:怕鬼吳家麗 執導驚慄片遭取笑犯賤

20150324
東網電視
更多新聞短片
徐子珊(左)同吳家麗兩個都咁細膽,但又走去拍鬼片喎,所以話女人心海底針咯。
女星吳家麗、徐子珊於灣仔會展出席「美亞娛樂2015電影發布會」,為新片《有客到》宣傳。身為導演的吳家麗,自爆因怕鬼而遭監製取笑「犯賤」,問到拍攝時壓力大不大?她笑說:「拍嗰陣唔大,最頭痛都係睇景,因為好多都喺大酒店度拍,拍嗰陣反而冇諗咁多。」吳家麗又笑言愈驚愈有滿足感,她透露新片已進入後期製作,但由於經常於晚上開工兼要入「黑房」工作,故她笑言仍未捱完。
子珊上香求安心
而身為主演的子珊,被問到拍攝時有否遇過怪事?她說:「每一次拍都有人問要唔要上香,我都會上香求個心安。」
她又透露演出場景多在後巷與紙紮舖等,令她相當難忘:「紙紮舖樓上仲要係道堂,有好多先人骨灰,去廁所時都會見到,唔敢周圍望!」子珊又笑言:「平時唔敢睇鬼片,到時睇首映一定好驚,遮住對眼睇半部!(驚你又接?)第一次睇劇本都唔想接,但覺得個角色有好大發揮,同埋畀吳家麗感動咗,同佢拍攝每日都有新嘢學,最驚都係劏老鼠!