陳嘉佳遲到四粒半鐘　攝影師怒轟冇道歉

攝影師兼電台主持Sunny，於3月23號晚上在Facebook上載一張攝影棚相片，當中出現一個疑似陳嘉佳（細細粒）的身形，Sunny留言謂：「約四點半，九點才到。」明顯對細細粒遲大到感不滿，網友見狀，即留言指細細粒耍大牌，另亦有網友爆料指：「係咁o架，之前教佢跳舞，又話呢樣做唔到，嗰樣做唔到。」

累工作人員白等

Sunny事後接受《東網》電話訪問，解釋當日是為好友葉念琛影海報：「細細粒係其中一個演員，原本我哋六點收工，佢不停話遲少少，搞到夜晚十點先收工，白等佢四個幾鐘，嚟到道歉都冇句，仲大搖大擺。」問到會否覺得對方不專業？Sunny說：「我只想講，你嘅時間就係時間，工作人員都係時間，要我哋乾等好忟！（會否唔再同佢合作？）每年我都同好多人合作，可能依家未必選擇合作，明白藝人遲到好正常，而唔係遲四個半鐘。」

強調溝通出現問題

細細粒則觸釋當日是因家中有事才遲到，並謂已即時通知工作人員：「原本係約四點，屋企臨時有事，同劇組講咗可唔可以第二日影，叫咗唔好等我，因為唔知搞幾耐，之後覆我話要今日（3月23號）影，我已經話最快八點半到，可能溝通上有問題，解釋唔到咁多。」