日本現身　章子怡短打高踭粉碎懷孕傳聞？

盛傳大肚（雖然應該係一個天大嘅誤會）嘅章子怡，今日畀網友直擊現身日本成田機場。照片所見，36歲嘅子怡打扮極具青春氣息，除咗着短打之外，仲要腳踏一對個踭極高嘅波鞋，加上四肢纖幼、個肚又唔多見凸，更加得以證實個大肚傳聞只係誤會一場。

網友表示，獲日本籍工作人員接待、帶住成堆行李去到日本嘅子怡，一落機就行色匆匆，到底佢忙啲乜，就真係不得而知喇。