吳若希鼻樑「出事」惹整容疑雲

近日緋聞纏身的吳若希（Jinny）前日穿上藍色連身裙以高貴造型與鄭俊弘、洪永城、黃翠如及王祖藍出席《TVB2015綜藝節目推介記者會》，露出42吋白滑長腿的Jinny即被網民在討論區評頭品足，有網友直指「女神」若希BB鼻樑「出事」，質疑她打Botox，又指Jinny的「Pizza面」突然消失，記者翻看Jinny當日出席活動相片，其鼻樑山根位置明顯脹起。

歡迎新舊照對比

忙於拍攝無綫節目《街頭魔法王》的Jinny，接受《東網》電話訪問時否認整容，並解釋是化妝技巧出錯惹誤會：「個妝濃咗，鼻影掃深色咗，望落去可能高啲。」隨即食住個勢宣傳她有份主演的劇集《衝線》，Jinny說：「如果大家想睇我究竟有冇執到同唔同樣，其實好簡單，依家電視做緊《衝線》，只要大家搵我側面樣做對比就清楚。」

問會否因被指整容而不快？Jinny說：「唔會，出道至今成日都畀人傳整容，總之我似邊個就係整容，之前話我似謝安琪，又話我整到似佢，所以唔會咁而唔開心，好小事。」