畀朱千雪搶劇？杏兒瞬間詞窮唔識答

藝人胡杏兒今日出席服裝品牌活動，席間更偕同卡通人物以及兩位小模特兒玩遊戲，齊齊整餅之餘又幫手襯衫，滲出陣陣人妻味。

問到杏兒可有和男友玩煮飯仔，杏兒就笑言以前會整曲奇和蛋糕，不過她就表示較愛「獨煮」：「我唔鍾意有壓力，鍾意啲嘢自己in control。（男友讚好食？）都會讚，雖然唔知真定假，我諗係真嘅。（最拿手？）暫時未有喎，不過最近我整咗煲仔飯。（為當人妻做準備？）又唔一定嘅，咁女仔識少少煮嘢食都好，係一種美德。」

「我都想抖吓」

提到無綫新劇《EU超時任務》，朱千雪被指取代了杏兒女主角位置一事，杏兒就謂未到最後一刻都未知誰演，記者追問杏兒可有與公司接洽時，她頓時詞窮，思量一會後謂：「咁公司都應該捧新人嘅，我都想抖吓。都係啦，未到最後一刻都未知邊個演，希望佢演得開心。」

提到杏兒早前拍攝大陸節目《奇妙的朋友》遭到批評，直指杏兒為黑猩猩穿衣服是虐畜，杏兒解釋指當時有專家和獸醫在場，為牠穿衣服是為保暖防止熱量流失：「係會有人支持同唔支持，不過我哋都唔係令到任何動物受傷。」之後杏兒更透露曾遭黑猩猩咬傷，幸好事前有打防疫針，而且咬傷指甲並不嚴重，亦沒有留陰影。