即係點？唐詩詠：同洪永城進入另一層次！

藝人唐詩詠到荃灣出席櫻花祭活動，以tube top配pink pink裙的她，與小學生齊齊玩遊戲，活動上詩詠被司儀阮小儀在台上用她與洪永城的戀情來做話題，又問她有沒有收過洪永城送的花？詩詠表示沒有，小儀即指洪永城好鈍。詩詠亦透露想睇櫻花，並指在櫻花樹下表白很浪漫，但一定要男士做主動。

詩詠受訪時，透露與洪永城的關係仍撲朔迷離，她說：「我哋依家仲係朋友關係，不過係進入咗另一層次。（你哋係咪同居？）唔會同居，我同爸爸同居。（覺得洪永城鈍？）佢做戲幾聰明。（佢要再主動啲？）太主動又會嚇怕人，再觀察吓先，唔使咁緊張，愛情順其自然，我屋企人都唔急。（洪永城急？）我feel唔到，最緊要有耐性。（你要考驗佢嘅耐性？）都唔係，睇耐啲，我清楚自己要乜。」

拍拖想低調唔公開？

提到洪永城稍後將去北韓拍攝節目，詩詠表示不擔心：「佢同金正恩咁似，OK啦，有歸屬感。（會同佢去旅行？）同男仔去旅行有啲怪，會同女性朋友去，不過一班朋友去都OK。」

她又回應早前被撞破上洪永城屋企，她說：「嗰次係一班朋友嘅聚會。（你被撞破後即縮沙？）我唔想大家誤會。（拍拖會低調？）想大家專注番我工作。」