亞視危機：林峯慶幸執笠前可以上亞視

林峯出席明日舉行的音樂節記者會，由於屆時有韓國組合INFINITE及日本樂隊SEKAI NO OWARI，問到擔不擔心屆時風頭被搶？林峯說：「唔驚，唔會輸。」並透露將會獻唱串燒歌：「都有啲緊張，有快歌同慢歌，亦排咗好多次舞，係代表到我同畀到大家有視覺享受，到時會同八位男舞蹈員一齊跳。」

問到女友吳千語會否棒場？林峯說：「唔會嚟，佢有嘢做。（後台打氣？）精神上支持就得。」問到排舞時女友有否探班，林峯說：「冇呀。（驚分心？）係要好集中，因為新舞步好密集，呢個幾月不停練。」談到早前先後被影到跟女友行街「濕平」，林峯說：「嗰啲係補給，買去荒島。」

對於有傳亞視月底「執笠」，林峯說：「係咪真？」由於活動將由亞視播放，林峯說：「如果係真，我有幸喺（執笠）之前上亞視一次。（可惜？）係，始終係香港歷史悠久嘅電視台，我關心佢哋員工多啲，希望可以出到糧，好慘。（你出錢打救？）未到我，唔好搞。」