為件衫減肥！周慧敏：條裙一啲空間都冇

「玉女獎門人」周慧敏（Vivian）身穿tube dress出席活動，她透露為了該裙，由上周開始keep fit：「做運動同食少啲，因為條裙一啲空間都冇。」繼而賣口乖大讚來自德國的裙子，是由玻璃點墨畫設計，問到當中可有給予意見？她說：「唔敢，自己畫畫係業餘愛好者，會用欣賞心情去睇。（用自己畫嘅作品去印製服裝？）有諗過，我個人興趣多多，但有give有take，依家難得有一個和諧家庭，想放多啲時間好好維繫，屋企嘅開心唔少過做一件藝術品嘅快樂。」

自爆有八個B

Vivian又指除了希望多放時間於家庭，還要好好調理身子，笑言要「重新做人」。她表示去年因籌備唱片過分緊張弄致身體變差，早前與老公一起做身體檢查：「好似考試咁過關，好彩最後都好健康。」她又表示家中已育八隻愛貓：「計埋我哋兩個就一家十口，嚟緊希望減三成工作，多啲時間陪屋企人。」問到調理身子是否準備造人？她說：「唔會生BB喇，已經有八個BB，分配唔到時間。」