相識30載　劉美娟封鄧萃雯做牛

影后鄧萃雯出席電台主持劉美娟的節目時接受訪問，談到兩女原來相識已經三十載。聽眾的來電令雯女分享到自己最常被街坊問到的問題原來是「幾時再拍劇呀？」，她說：「因為其實我最近拍好少劇，之前都係兩年拍一套，對上一套也是兩年前。」

花名「鄧萃牛」

被問到最近有沒有拍劇時，說道：「我對上一套係內地嘅，半年前拍。（有接新劇？）暫時未，可能會有新工作，但唔係劇，可能係電影，不過未confirm，係屬於一啲比較輕巧嘅嘢。（點解？減產？）唔係，只係我唔想一直都咁辛苦勞碌，覺得好慘，好似隻牛咁，哈哈！」即隨被劉美娟搞鬼改花名成「鄧萃牛」，認真搞笑。

人生錯過太多

雯女又大談辛酸史：「其實我一出道就好勤力，一直都不停做嘢。但中間經歷過一次負資產之後就要由頭嚟過，一直咁做落去，所以我覺得好攰，就諗人生可唔可以游閒啲呢？」她又嘆謂　已經錯過太多：「人地又結拪婚，囡都咁大，我連人哋結婚都冇去，所以我要追返啲自己錯過嘅嘢。」雯女透露自己亦想結婚，不過則不會考慮生育。她又說到不想因為工作而再忽略身邊的事，感慨作為演員需要演繹人生，然而她的人生卻太悶，太不專業。

問雯女會否投放時間到拍拖時？她則指「冇關道門！」但她揚言在香港藝人拍拖太大壓力，笑言：「我諗真係有嘅話要離開香港發展，同埋鍚我嘅請放我一馬！」表示請求傳媒給予她私人空間。

劉美娟稱沒有留意吳綺莉動向

另外，問到劉美娟有關吳綺莉一事，她稱她沒有再留意吳綺莉之後的動向，而問到對於她在專訪中認為對不起女兒，問有否覺得對方有悔意？劉美娟表示可向電台查問，個人則不會再回應有關話題。