老婆話晒事！黎耀祥唔敢偷偷買車

視帝黎耀祥為無綫新劇《公公出宮》進行拍攝，飾演太監的他在劇中經常受到女當家胡定欣欺凌。問到現實在家中是否同樣由太太話事，他表示「梗係」！他笑言買車亦要得到太太同意，自己不敢偷偷買或隱瞞，他說：「咁佢都鼓勵我買嘅，做呢行冇咩娛樂，買架靚啲嘅車都係返工出入代步，當係辛苦回報。」

另有傳好友麥包經濟出現問題，祥仔表示未有察覺，亦不太相信，故不會刻意致電慰問免得煩到對方。至於藝人李司祺不續約無綫，祥仔指是觀眾和演員的損失，感到可惜。希望對方不是全面退出，有好劇本盼她會參與，因自己很想與對方合作。

談到兒子開始長成，會否擔心他「跩跩」會突然抱孫，他笑言不擔心，抱孫是必然的事，只是遲早問題，自己亦不過問兒子拍拖的事。