生日老公送巨鑽　張羽希：少過三卡唔使送

歌手張羽希（Venus，前名：張苡澂）舉辦生日會，師傅徐家傑及師弟白健恩亦有送上禮物，而Venus的老公Michael更向她送上香吻。

問到Venus的生日願望？她說：「希望身體健康、事事順利。」她透露自己現簽約到老公有份投資的韓國公司為藝人，更改名為張羽希，寓意人生充滿希望，事業進入另一階段。她續說：「公司會搵少女時代嘅監製幫我作曲同拍MV，打造新形象。我會一半時間喺韓國，一半時間喺香港，都會喺香港出碟。（冇時間陪老公？）佢陪我去，因為佢都要安排好多嘢。（投資幾多？）差唔多千萬。（係咪因為你鍾意先投資？）平均時佢同我出席活動，覺得好玩，所以開公司畀我玩吓。」她又透露公司今年將開拍電影，她亦會找徐家傑及白健恩一同合作。另外，她亦會與唱《來自星星的你》主題曲的歌手Lyn合唱。問到她是否懂得韓語？她說：「普通溝通冇問題，喺韓國要做好多訓練，又要學跳舞，因為佢哋要求好高。」

問到簽約老公公司是否老公送嘅生日禮物？她即向記者展示手上巨型鑽戒，並說：「呢個係生日禮物，因為之前嗰隻去旅行嗰陣唔見咗。（幾卡？）唔理，總之又白又閃同要D colour，最重要自己鍾意。（要求老公送定係老公畀驚喜？）我同佢講少過三卡唔使送，我一係就唔要，一要就最好。」