鍾嘉欣學煮嘢食唔冧男友冧媽咪

鍾嘉欣出席周年晚宴擔任表演嘉賓，她稱今晚會獻唱兩首歌曲：「個客戶點咗我6年前嘅一首舊歌，我好耐冇唱，都驚唔記得歌詞，本來揀咗唱其他人嘅歌，因為我想試吓新嘢，我好鍾意王菲、林憶蓮。留番之後去紐西蘭登台唱，會同陳展鵬一齊去，去5日，我諗住喺當地買花膠、海參。（你識煮？）我識，馬浚偉教咗我，我最近成日下廚，會向身邊朋友請教。」問到男友伍允龍有冇試過她手勢？她說：「暫時未有人試過，但有粉絲試過，因為之前同粉絲聚會，我煲湯畀粉絲當獎品。（男友咪會呷醋囉？）哈哈！我依家只係有朋友。」

至於學烹調是否為做好人妻鋪路？她否認：「係預備做好女兒，媽咪投訴煮咗咁多年飯都冇人煮過一餐飯畀佢食，我訓練自己做孝順女先，一步步嚟。媽咪6月返嚟，我可以整到六餸一湯，魚香茄子、冬瓜湯、豆豉排骨等家常便飯。（平時男友煮畀你食多？）我只係有朋友。」