母親車禍　吳若希失控：唔好影我媽咪啦！

吳若希母親因踩單車發生意外入院，於1點45分時，吳若希戴口罩現身醫院，前經理人陪伴在側，二人坐於急症室門外等候消息，期間吳若希一直深鎖眉頭。

護士對吳若希表示其母親要做手術，此時並着吳若希上5樓。其躺在擔架床上的母親亦由急症室門口推出來，記者見吳母頭部瘀黑，此時吳若希亦激動大叫：「唔好影我媽咪啦！唔該！」

吳若希母親入手術室後，她不停篤手機，後又追問護士並要求醫生了解情況，護士勸喻她稍後幫她約見醫生。在等候期間，記者趨前慰問情況，吳若希表示：「今早收到警察電話，話媽咪炒車，我心離一離，好彩冇公開活動只係錄音，我已經通知唱片公司，我已望咗佢一眼，情況應該樂觀。」而訪問期間吳若希不停哭泣。

而緋聞男友溫家偉就表示想畀私人空間吳若希，今次係嚴重嘅事，想吳若希做番佢應該做嘅事。