女神岑麗香曾肥到唔敢上磅？

岑麗香於銅鑼灣出席牙膏品牌活動，有一副潔白牙齒的她被問到若遇上咀戲時，會否在意對方的口腔清潔問題？她笑笑口說：「試過對手買咖哩畀我食！不過都係玩下啫！（有冇食？）食！佢自己攞嚟嘅！」

食唔停肥到唔敢上磅

瘦咗唔少嘅佢表示早前拍《明星愛廚房》時變肥，笑說：「12月嗰時試過啲衫係Fit，件衫前面有個蝴蝶結，一路拍落嚟個蝴蝶結就愈嚟愈細，我條腰就愈嚟愈粗！（肥咗幾多？）我諗5磅到，過左5磅之後我都唔敢再上磅喇！」最近放完假嘅佢就積極做運動減肥！

目前忙於開拍新劇《為食神探》的她，指戲中角色是會因為食而得到靈感，被問會否擔心再變肥？她說：「盡量唔好喇！」

為吳若希祈禱

提到吳若希的母親今日因踩單車而自炒昏迷，未曾與吳若希合作過的她聽到即一臉愁容，希望對方平安大吉，她說：「會為佢祈禱，同吳若希唔熟但見面佢都笑笑口，祝福佢！」