女神岑丽香曾肥到唔敢上磅？

岑丽香于铜锣湾出席牙膏品牌活动，有一副洁白牙齿的她被问到若遇上咀戏时，会否在意对方的口腔清洁问题？她笑笑口说：“试过对手买咖哩畀我食！不过都系玩下啫！（有冇食？）食！佢自己攞嚟嘅！”

食唔停肥到唔敢上磅

瘦咗唔少嘅佢表示早前拍《明星爱厨房》时变肥，笑说：“12月嗰时试过啲衫系Fit，件衫前面有个蝴蝶结，一路拍落嚟个蝴蝶结就愈嚟愈细，我条腰就愈嚟愈粗！（肥咗几多？）我谂5磅到，过左5磅之后我都唔敢再上磅喇！”最近放完假嘅佢就积极做运动减肥！

目前忙于开拍新剧《为食神探》的她，指戏中角色是会因为食而得到灵感，被问会否担心再变肥？她说：“尽量唔好喇！”

为吴若希祈祷

提到吴若希的母亲今日因踩单车而自炒昏迷，未曾与吴若希合作过的她听到即一脸愁容，希望对方平安大吉，她说：“会为佢祈祷，同吴若希唔熟但见面佢都笑笑口，祝福佢！”