娛樂專題：丁可欣「跳」出銀色旅途

狄易達師妹丁可欣（Yanki）16歲開始學跳舞，年紀輕輕已為郭富城、許冠傑及徐小鳳等多位天王巨星的演唱會伴舞，現在更是跳出彩虹，由舞蹈員變身藝人，並定下奮鬥目標：「希望有一日觀眾係認識我Yanki，再唔係邊個藝人嘅Dancer！」

現年20歲的Yanki並非從小學舞，而是四年前才開始跳舞：「我性格係好動型，讀書時鍾意跑步同跳遠，點解突然會鍾意跳舞？嗰時美國一隊女子組合The Pussycat Dolls，佢哋幾個女仔啲舞跳得好犀利又唱得好，上網搵佢哋啲MV嚟睇，學佢哋跳舞，就係咁鍾意咗！」

花4年由零起飛

從一竅不通到跳上舞台，Yanki花了不少汗水和努力，最初是到青年中心上堂，接着開始與朋友參加一些小型舞蹈比賽吸收經驗，後來為提升舞技，她報讀舞蹈員課程，漸漸發覺對舞蹈員這個職業有興趣，幸好又遇上不少跳舞老師給機會， 介紹她入無綫做跳舞表演，最後正式入行成為舞蹈員。

Yanki去年正式簽公司做狄易達師妹，現在除了繼續教跳舞，還初嘗拍戲滋味，早前台灣歌手王子來港拍戲，Yanki便有份演出，最令她開心的是導演知道她懂跳舞，便臨時加了一場跳舞戲給她自由發揮：「雖然只係小小一段，但已經好滿足！」由舞蹈員變藝人，或許不能再接騷為藝人跳舞，收入可能變相大減，Yanki坦言：「我會咁諗，幫Artist跳舞做騷，始終Focus唔喺自己度，企喺後面跳舞，冇人會察覺到，我希望唔再係邊個嘅Dancer，而係識我Yanki！依家我覺得好似去緊人生另一階段，希望可以似一顆Star吸引大家，我會好努力去做！」

更喜歡唱歌

Yanki咁跳得，原來唱歌和跳舞兩者之間她更喜歡唱歌：「嗰時唔知點入行，跳舞嗰邊見到出路，所以就行咗跳舞條路先，估唔到依家行行吓會有機會入樂壇。」Yanki早前獲公司安排到錄音室試音，雖然未知能否圓歌手夢，但有機會試音已很興奮。

郭富城畀壓力　「舞」得彈！

在Yanki的舞蹈員生涯中，令她印象最深的是能參與天王郭富城的演唱會，可說是很大挑戰，她大讚城城超級專業：「佢台上表現永遠做足一百分，令企喺佢後面嘅一班Dancers都Push自己要跳得好好。」綵排期間，城城就算不用排練都會來看大家排舞：「一開始覺得佢好Cool，喺現場睇住跳幾大壓力，驚跳得唔好唔畀我跳，不過耐咗發現佢唔係咁Cool，會買嘢畀大家食， 同大家傾偈講笑輕鬆吓。」