泰國度蜜月被網民捕獲　疑似杰倫昆凌行市集

台灣天王周杰倫（周董）同新婚妻子昆凌正喺泰國度蜜月，佢仲親臨曼谷嘅蠟像館睇吓自己嘅「孖生兄弟」。雖然周董一向鍾意保持低調，但無法逃過眼利嘅網友，最近有網友上載疑似喺市集遇上周董同昆凌嘅照片，不過相中只係見到兩人嘅背影，照片所見，呢位疑似周董以全身黑色打扮現身，頭戴黑毛帽，而疑似昆凌就身穿白上衣、黑色裙，稍稍露出美腿，網友更指兩人穿上情侶鞋並肩而行，上載照片嘅網友就指當時周董知道自己被人發現，所以一直用手遮面，估計係唔想受打擾同引起騷動。