歐陽震華愛上制服誘惑　恨與護士拍戲

藝人歐陽震華（Bobby）到將軍澳電視城為無綫節目《今晚睇李》擔任嘉賓，節目主持李思捷剛好路過，聲言和Bobby在節目中「傾女」，Bobby毫不諱言直認經常探討女性問題：「男人就傾女，女人就傾仔，傾同性又點傾到咁多嘢啫。（公開咁傾？）我有幾多情史，五隻手指數得晒，知道嗰啲嘅我會講。」又笑言自己與老一輩的女性「好啱傾」。

新陳代謝慢唔拍得古裝

提到新一代女藝人，Bobby笑言剛才在化妝間有新發現：「頭先嗰幾個護士都幾好，原來有兩個係喺《東坡家事》做我嘅佣人，我一入到去佢叫我『老爺』，我問佢邊位呀？原來護士裝真係正好多，所以嗰啲制服誘惑係冇錯嘅。（下次你演醫生囉？）我做醫生？唉，我呢啲，講就兇狠，做就…我得把口講咋嘛，真嗰啲唔會講，講咗嗰啲又唔會做。」

談到工作方面，Bobby謂有意將工作量減少：「第一，個天氣好重要，例如天氣熱，唔係話唔拍，即係盡量唔拍古裝啦！好易中暑，尤其我呢啲一把年紀新陳代謝又慢。同埋好奇怪，天熱拍嗰啲古裝特別厚，天冷嗰啲又特別薄。（《東坡家事》最後一套古裝？）唔會，我宜古宜今㗎嘛！」最後Bobby又笑言希望可以拍時裝片，除專業人士之外，建議到日本與「護士」拍戲！