夜半哭聲！男廁驚現血漬！《殭》怪事連連

由視帝鄭嘉穎、新進小花陳凱琳、歌手謝安琪、黃又南、陸永等演出的無綫新劇《殭》，連日在將軍澳無綫電視廣播城開工，由於題材敏感，有不少傳聞傳出。

據一名幕後人員爆料，指劇組在上周六（28日）於錄影廠如常開工，期間拍攝一場羅莽及威利的拳賽戲份時，眾演員竟在沒有任何原因的情況下出現多次NG，錄影廠更突然傳來一把聲音，不斷發出「嗚…嗚…嗚…」的哭聲。劇組人員雖然心知不妙，但仍裝作若無其事繼續拍攝，沒想到事件還未就此完結，及後該名工作人員到男廁如廁時，竟發現內裏有血漬

，雖然當時有想過是否道具血漿，不過細看後便打消念頭：「根本就唔似血漿，同埋當晚用血漿嘅演員都冇去過廁所，咁先覺得好邪！」

陸永笑指可能係鼻鼾聲

事件很快傳遍電視城，在場的演員及工作人員均感到毛管戙！有份參與該劇的陸永事後笑談事件謂：「我當晚唔喺廠，聽到怪聲？我平時都聽到，會唔會係我同又南瞓着咗嘅鼻鼾聲咋？血漬呢，其實除咗我哋，仲有其他人有血妝，會唔會係第二啲人留低o架？」黃又南亦淡化事件謂：「我又冇為意喎！因為拍拳賽戲份會好嘈，邊度聽到嗚嗚聲呀？」

陳嘉寶賴慰玲唔覺有異樣

至於當晚有份拍攝的陳嘉寶及賴慰玲，亦為靈異事件不斷解畫，嘉寶謂：「拍動作場面拍多幾take好正常，導演通常多角度拍攝，等效果好睇，所以就會NG多。現場我又唔見話有咩問題。（咁男廁有血漬又點解釋？）呢個我唔清楚，因為我都冇入去，可能係演員拍攝用咗啲化妝血漿留低咗啦！」賴慰玲亦稱不覺劇廠有異樣，一切正常。

謝安琪指拍攝順利

該劇監製陳維冠表示沒聽過有幕後工作人員投訴相關事件，導演亦沒有提及過，他笑謂：「電視城荷蘭『鬼』（拍攝用的路軌）就有大把，啲演員不知拍得幾開心。」歌手謝安琪（Kay）則透過經理人回覆謂：「冇囉，拍攝以嚟好順利，冇感覺到有怪異嘢，拍攝嗰場拳賽戲我係冇份。」