蔡思貝想搭順風電單車　鄭俊弘狠心說不

藝人鄭俊弘（Fred )及蔡思貝等於中環，為無綫汽車節目宣傳，期間Fred對現場貴價電單車愛不釋手。本身有電單車牌照的Fred，受訪時自爆唔敢載女仔遊車河：「我有揸車，但唔敢『片』車，因為唔安全。（心郁買靚車？）再揸多陣自己嗰o架（車）先。（有否揸車載女仔？）冇呀，萬一撞咗車會有責任，自己撞（車）自己事！（遊車河好浪漫o架喎！）撞咗就唔浪漫啦！」

蔡思貝則坦言想考電單車牌，但擔心變「花面貓」：「拍完劇集《當鐵馬遇上戰車》後想考電單車，但畀人反對，自己都好掙扎。（驚整花塊臉？）係呀！（叫人載你？）身邊都冇人識揸車。」記者聞言即笑指曾與她傳緋聞的Fred可以擔任司機，思貝聞言即嬌笑謂：「佢唔載人o架！」

談到思貝到醫院探望炒車入院的吳若希母親，思貝表示希望對方早日康復：「Auntie請過我哋食飯，知道佢入院都好擔心。（探望情況？）都算嚴重，但有反應，會郁吓手。」