吳母留院：媽咪冇進展　吳若希正面面對

藝人吳若希（Jinny）的母親上周六炒單車重傷入院搶救，至今仍在深切治療部（ICU）留醫。於下午五時許，Jinny在好友Kellyjackie陪同下抵達醫院，而其母親的男友人則在下午六時許現身，當見到病房聚集了傳媒即低頭匆匆走入ICU。

Jinny在病房內逗留約個多小時後離開，她一臉憂心說：「今日冇乜特別嘢講。」母親進展情況？她說：「同尋日差唔多，都冇得逼嘅。（擔心？）知道唔逼得。（工作上有冇影響？）又冇，因為原本都係四月放假。」逗留期間母親可有醒過？Jinny擰擰頭說：「有叫佢快啲醒。（細佬有冇探媽咪？）佢要返學同課外活動，唔想影響佢正常生活。」問細佬可有詐嬌要見媽咪？Jinny擰擰頭。

由於Jinny曾經有過情緒病，問可擔心復發？她說：「會正面啲睇所有嘢，OK嘅！多謝大家關心。」醫生說未離得開ICU？Jinny說：「我等得嘅！」