湯盈盈甜笑默認有喜

錢嘉樂帶同太太湯盈盈到九展捧好友鄭敬基和李逸朗（Don）音樂會場，而近日更盛傳盈盈再度有喜！

音樂會上鄭敬基和阿Don帶領台下觀眾為哥哥張國榮做一個創舉，與全場幾百人齊跳哥哥的名曲《Monica》及《無心睡眠》的招牌舞步，而最抵死是鄭敬基在教舞步時則煞有介事笑言：「如果懷孕就唔好跳啦，或者有兩個月都唔好。」似有暗示。

完騷後嘉樂和盈盈都企定定給傳媒拍照，見盈盈圓潤身形孕味甚濃，問到盈盈是否要恭喜她及怕小器未講得？盈盈即以笑回應，而追問嘉樂，他即難掩喜悅說：「遲啲講啦！（係咪可以恭喜你？）係開心事啦。」看來錢家又添一位新成員。