探病後顯憂慮　吳若希：母要再做手術

吳若希（Jinny）母親上周六踩單車時發生嚴重意外，頭部重創並做開腦手術，然如常拍攝及錄音工作的Jinny，今日傍晚戴上眼鏡及口罩再到醫院深切治療部探望母親，同行有好友KellyJackie，Jinny弟弟在15分鐘後抵達，Jinny母的男友黃先生其後亦出現。

需靠呼吸機

Jinny姊弟入病房鼓勵媽咪，在病房逗留個多小時後，Jinny獨自步出病房接受訪問，神情顯得頗為憂慮，問到媽咪情況如何？Jinny說：「冇乜進展，講嘢都冇乜大反應。醫生話都係要等，暫時做唔到任何嘢，情況穩定，但醫生話愈快醒愈好。」Jinny續說，媽咪有機會要做一個小手術去保持呼吸，現階段需要用呼吸機幫助呼吸，手術時間則要明天見醫生才知道。

藝人探病反應大

談到連日來不少藝人朋友前來探病，Jinny表示媽咪知道朋友來會有大反應：「會郁吓啲手腳，郁得勁啲，會郁吓眼珠，郁嚟郁去，但係冇擘大眼，唔知係咪因為太攰。」談到媽咪男友黃先生每天都會來探病，Jinny直言：「係呀，每日都嚟，幫佢（媽咪）按摩。」至於這幾天公眾假期，Jinny說細佬都會留在舅母家：「細佬好鍾意同表哥一齊，放假細佬都會去交流團，離開香港，所以負擔都輕啲。」