羅仲謙身價三級跳　孖實楊怡睇樓築愛巢

35歲的楊怡與30歲的羅仲謙拍拖三年，愛得愈來愈甜蜜，更屢傳婚訊！今次有讀者撞破兩人，以情侶裝打扮一同戴帽現身紅磡，排隊購置長和新樓盤、位於將軍澳日出康城的緻藍天築「愛巢」增「嫁數」！該樓盤吸引數千人排隊，楊怡與謙謙正是其中兩位，楊母更陪伴在側，可見「一家三口」對購置新居的熱切！由於現場情況混亂，多人又擠迫，只見楊怡與謙謙拿着售樓書頻頻交頭接耳，謙仔更充當「護花使者」，在人潮中護住女友！

持續睇樓好事近？

其實楊怡與謙仔早已認定對方，加上事業發展一帆風順，今次夾份投資置業，擺明好事近！楊怡去年才與無綫續約兩年，亦是買樓方面的「前輩」，去年她雖抽中大角咀奧朗御峯但未成功買入，之後又現身紅磡城中匯發售現場揀樓，今次她更再接再厲又睇樓。而一直被指女尊男卑的謙仔近年事業發展愈來愈順利，平步青雲的他深得經理人公司星皓寵愛，去年以開心價加簽9年，最近更擔正做無綫劇《衝線》男主角及接演大片，愈搵愈多的他吸引更多女主動埋身，早前就有指他被《衝線》拍檔蔡思貝電到暈陀陀，要楊怡「目及」到實！

買樓先問楊怡意見

楊怡今次睇樓箍實謙仔，為將來婚事鋪路。《東網》透過電話問她被斷正與男友睇樓一事，楊怡說：「都係叫佢（謙仔）投資啫，我有啲心得，大家互相分享吓！結婚就唔會住，係以後嘅嘢，唔係依家講！」她又笑言今次又抽不中，下次會再嘗試。男主角謙仔亦向記者透露自己有意投資：「楊怡有畀意見我！揀將軍澳就因為近返工，而且我好欣賞嗰度嘅規模同潛力。（係咪兩人夾錢買樓？）當初有幾個方案，不過依家反正抽唔中，都Plan唔到下一步喇！」

身價三級跳

羅仲謙入行7年，去年開拍的《西遊記之孫悟空三打白骨精》飾演第三男主角「沙僧」，與鞏俐、郭富城等巨星合作，戲份比首集演男配角三級跳之餘，片酬亦漲價至200萬人民幣（約252萬港幣）。

高價入市都冇難度

據知阿謙有價有市，今年將與無綫拍攝兩套劇集，以每集8千港幣計算，兩套共40集為他帶來32萬元進帳。電影方面，他將於年底接拍一部大陸作品，片酬亦高達150萬人民幣（約189萬港幣），以小生來說絕對和味，加上阿謙有不少廣告斟洽，故即使於樓價高峰期入市，阿謙的彈藥亦綽綽有餘！