復活節美圖　兩個嘉欣兩種風格

復活節連清明節足足有成五日長假期咁多，大家係咪好興奮呢？相信大家睇完呢兩位女神嘅靚靚自拍，一定會更加亢奮！向來走清純路線嘅鍾嘉欣，趁住節日大晒自拍相，更落足心機為相片加入花草同復活蛋等節日效果，十足童話中嘅公主咁，貫徹嘉欣BB又Pure又True嘅形象！

而無綫小花龔嘉欣則化身可愛兔女郎向粉絲送祝福：「現在發這個會遲嗎？復活節快樂啊！」真係少啲定力都會畀佢電死啊！一個係公主風嘉欣，一個就係兔女郎嘉欣，唔知大家又Buy邊位女神多啲呢？