黃心穎低胸裝晒波罅　Bob激讚方便又環保

鏡頭前常以傻大姐形象示人嘅黃心穎，雖然平日密密實實，實質係有料之人，不過就睇場合先會發放福利晒吓事業線！佢同林盛斌（Bob）盛裝上陣做司儀，穿上吊帶低胸裙嘅佢性感又養眼，身旁嘅Bob更抽水笑言：「根本集集《學是學非》妳都應該咁着，大人小朋友都一定鍾意，既方便，又環保！」獲讚嘅心穎BB即刻謙稱只係角度問題：「哈哈哈所以話，角度真係好重要。」但係Bob都唔肯放過佢，繼續話：「咩角度都係一樣！」點都好啦！無論係唔係角度問題，最開心都一定係心穎BB嘅粉絲囉！