有爺爺真傳？洪天明囝囝綠巨人上身

相信唔少男士都幻想過自己成為英雄，拯救人類嘅畫面，估唔到年僅兩歲幾嘅洪天明囝囝洪大仁（TJ）都有個英雄夢！洪天明偕同佗緊第二胎嘅老婆周家蔚、囝囝TJ、方力申、謝天華等齊齊去睇美國英雄人物展覽，年紀最細嘅TJ一見到雷神嘅錘就超級興奮，仲忍唔住伸手去拎起個錘，不過當然唔成功啦，就算爸爸天明出手抱起囝囝都冇用！之後TJ又戴上Hulk（綠巨人）嘅拳套扮大隻，更向鏡頭作狀揮拳，不知幾有功夫底子，唔通遺傳咗爺爺洪金寶嘅優良血統？