台灣懷孕臥床　徐若瑄冧晒兩女兒合照

台灣女神徐若瑄（Vivian）上個月喺社交網宣布懷孕，早前身體不適又屙又嘔，仲要吊鹽水，連日嚟都要臥床休息，唯有靠煲劇同彈結他解悶。一向視老公李雲峰同前妻所生嘅兩個女兒為親生女嘅佢，今日大晒佢同兩個女兒嘅合照，仲大讚女兒：「V媽臥床第12天！我可愛又獨立的乖女兒。」見Vivian拎住張寫上「V媽」嘅紙，唔知係咪女兒寫比佢，氹到Vivian咁開心呢？網民仲話擁有童顏嘅Vivian同兩個女兒似足三姊妹添！