仙樂都谷兩吋事業線迎潑水節

中泰混血兒「仙樂都」吳堯堯於九龍城，為即將舉行的泰國潑水節作宣傳。擔任大使的她以傳統服裝谷出兩吋事業線上陣，又不時俯身擺甫士晒身材。

談到泰國潑水節，仙樂都直言曾於該節日被淋水淋到「O嘴」：「潑水節等於中國新年，啲人會周街唱歌同攞水淋人，祝福對方！（出街濕晒身？）無法抗拒，試過同阿姨喺車廂傾偈，都被人（從車窗）兜頭淋，搞到阿姨成口水，出門要帶密實袋裝住電子儀器。」

仙樂都又透露將擔任評委選出「潑水節小姐」，談到評分標準？她說：「會睇佢哋夠唔夠親善同跳舞。（你都識跳？）淨係識好慢嘅傳統舞。」

提到仙樂都將於書展出書，她即自爆寫作上遇到「樽頸」：「停咗寫，因為個人冇咩墨水，玩完潑水節再寫。」