鍾麗淇用心搞慈善　圈中好友出力撐場

鍾麗淇與好友梁靖琪（Toby）一齊出席慈善籌款活動，她所創辦的基金是受惠機構之一：「我一定要嚟支持，雖然好熱，熱到就暈。我上年8月開始做咗基金創辦人，好多嘢做，辛苦但覺得好滿足，為咗小朋友。我知道依家sponsor籌到嘅善款已經有6位數字。（你今日落唔落場打籃球？）Toby、天明佢哋幫我落場，自己好耐無打籃球，唔知會唔會拗柴。（老公同囡囡有無嚟？）無，今日要返聖堂同埋要同老爺奶奶食飯，我頭先都係食到一半就過嚟。」

近日有傳她好友湯盈盈懷有身孕，原本盈盈在嘉賓名單上，卻未有到場，對此她說：「佢個心支持。（佢要安胎？）佢有工作在身，等佢自己講。（最近有無見過佢？）有，佢身體好好。」她及Toby又指盈盈食得瞓得皮膚好，但對於盈盈是否有孕就三緘其口。