陳嘉寶否認耍大牌

陳嘉寶（Anjaylia）回電視城趕拍新劇《殭》，有傳她因拍劇要坐地而發脾氣，記者問她是否有公主病？她笑稱遭拍檔陸永嘲她有師奶病：「我拍嘢成日拎住個篋，帶晒啲備用嘢同大家嘅零食，佢話我好師奶。」

再問會否擔心被指耍大牌而影響形象？Anjaylia坦言初時也感不快，後來獲同劇的鄭嘉穎及陳凱琳安慰：「嘉穎叫我唔使理，唔好唔開心，又話『你嘅努力同專業畀時間證明，大家都會見到。』」

提到有指Anjaylia男友早前探她班，期間兩人突然失蹤要劇組呆等，Anjaylia解釋男友只將翌日拍廣告的所需用品帶給她：「當日踩34個鐘，中間冇時間返屋企攞嘢，交接過程不過20秒，當時打緊燈，攞完就即刻走。（同居？）借宿就有。」