徐子珊柬埔寨獲皇室式接待　關都唔使過

藝人徐子珊、馬德鐘、張名雅及李思捷等於坑口，宣傳無綫劇集《以和為貴》。當中子珊更獲現場近廿位粉絲舉牌支持，場面熱鬧！

子珊受訪時自爆於劇中有「豁出去」表現，更要被小三張名雅的大碼胸圍「笠頭」！她說：「劇中講小三喺樓上晾衫，跌咗個oversize嘅bra落我個頭。（效果？）好好笑！」她透露日前出發柬埔寨宣傳無綫劇集，不但於當地享受皇室式接待，更被當地粉絲以印有其樣貌的支裝水「冧爆」：「去到機場連關都唔使過就有人take care，坐車仲有警察全程開路。（被熱情粉絲嚇親？）冇，佢哋送手工藝品畀我，最誇張係用我張相整咗支水畀我，好有心！」

三點式拍纖體廣告

子珊又大爆稍後會以三點式上陣拍攝纖體廣告。問到工作繁忙的她是否冇時間拍拖？子珊則笑說：「如果遇到適合嘅就一定抽到時間！」