藝人食相晒冷！江美儀驚現高潮眼

依家啲女藝人，無論年青有為抑或有資歷嘅，為咗宣傳都可以完全豁出去。以今日無綫新劇《以和為貴》宣傳活動為例，一眾女藝人包括徐子珊、黃心穎同江美儀，可以話係完完全全放棄咗自己嘅形象，佢哋喺「食包」遊戲環節入面，為咗贏，完全將「儀態」兩個字拋諸腦後，起勢落牙力係咁噬，而當中最「走樣」嘅，就非江美儀莫屬。同李思捷一組嘅江美儀，原本都無咩大出事，但當李思捷隔住塊包咀落江美儀度嗰陣，江美儀竟然驚現高潮眼，O晒嘴之餘，仲要幾乎連眼珠都見唔到，佢男友吳君祥見到呢張相，真係少啲心血都唔掂。