李佳芯爆洪永城唐詩詠化妝間「密」會

藝人李佳芯於電視城拍攝無綫劇集《波士早晨》，她於劇中飾演CEO洪永城（Tony）身邊的俏秘書。佳芯笑言與對方「未談情，先分開」：「呢套劇一早出晒廿集劇本，所以同洪永城跳step拍（二人感情的）結局！」問到被指是無綫新一代狐狸精的她要否對Tony使出勾魂計？佳芯否認：「唔駛勾魂，佢有顆寂寞的心，我付出感情會多過佢！」

談到她與Tony合作談情，會否擔心「辣着」對方的緋聞女友唐詩詠？李佳芯就淡定表示「未驚過」：「如果（戀情）係真嘅話，佢哋應該好穩定。我見Tony好分得開工作與感情，（佢未埋位前會避忌你？）私下會一般朋友咁傾偈。」問她有冇見過唐詩詠前來探班？佳芯笑稱於化妝間經常遇到正拍攝另一部劇集的詩詠：「平時化妝間會見到古裝扮相嘅詩詠，咁（佢地）咪可以成日見到，話開工又得，探班又得！（同詩詠備案？）備案通常應該係男朋友做，唔係我呢個局外人去備。」